هناك العديد من الدرجات الرائجة ضمن صيحات ألوان الشعر . فليس عليك تغيير لون الشعر بأكمله فيمكنك تجربته على خصلات الشعر أو على الأطراف بطريقة موضة الأومبري. فاكتشفي معنا أبرز صيحات ألوان صبغات الشعر 2020.
افكار الوان للشعر في 2020:
1- اللون ال Burgundy:
لون الشعر ال Burgundy من الالوان الشتوية التريندي في 2020, واللون ده بيكون مزيج من الاسود الغامق مع الاحمر عشان يدينا اللون العنابي.
2- ال Red Highlights:
لو عايزة تضيفي اللون الاحمر للشعر ولكن قلقانة او مترددة انك تعملي اللون على الشعر كله, ممكن تعتمدي على الهايلايت باللون الاحمر, وممكن تعملي خصل قوية او خفيفة حسب اللي تفضليه اكتر وتخلي لون شعرك الاساسي زي ما هو.
3- لون Ginger Beer:
اللون ال Ginger Beer او الزنجبيل كمان من الالوان الترنيدي جدا لموسم الشتا في 2020, وممكن تضيفي له هايلايت نحاسي واحمر وبني هيديكي لوك دافي خلال موسم الشتا.
4- اللون السيلفر:
اللون السيلفر او الفضي من اكتر الوان الشعر الموضة في 2020, كمان اللون ال Icy color او الجليدي يعتبر من الالوان المثالية للسنة الجديدة.
5- لون Mashroom Brown:
اللون ده من الالوان المناسبة جدا للبشرة السمرا, واللون ده بيكون عبارة عن مزيج من درجات اللون البني والرمادي, وتقدري تضيفي للون Lowlights او Highlights عشان تدي بعد للون.
6- اللون الارجواني Lilac:
لكل البنات اللي بيحبو الالوان الباستيل, بننصحك تجربي اللون الارجواني الناعم, بس لو انتي شعرك غامق في الغالب هتحتاجي لتفتيح الاول عشان اللون يطلع مظبوط معاكي, وممكن على سبيل التجربة تستخدمي انواع الصبغة المؤقتة زي صبغة لوريال باريس كولوريستا لمدة يوم واحد, لوريال باريس كولوريستا بخاخ للشعر لمدة يوم واحد, والنوعين بيقعدوا يوم واحد وبيتغسلوا بالشامبو عادي وبعدها اللون بيروح.
7- لون Forest Green:
لما تفكري في الالوان الجريئة, اكيد من اكتر الالوان الجريئة اللي ممكن تيجي في بالك هي درجات اللون الاحمر والارجواني, ولكن هل فكرتي في يوم انك تجربي اللون الاخضر؟ اللون الاخضر الغامق من الالوان التريندي للسنة دي, وهيطلع رائع جدا بشكل خاص على البشرة الزيتوني او السمرا, ومثالي جدا لموسم الشتا.
8- اللون الاشقر الرمادي Ash Blonde:
على الرغم ان الاشقر العسلي من اكتر الالوان المناسبة لفصل الشتا, لكن ممكن تغيري وتجربي الاشقر الرمادي للشتا.
9- اللون الاسود الفحمي:
دايما زي ما بنقول كده الالوان الغامقة للشتا والافتح للصيف, ومن الالوان الغامقة المناسبة جدا للشتا هو اللون الاسود الفحمي.
-
10- لون اسبرسو:
اللون الاسبرسو او البني الغامق من الالوان التريندي للسنة الجديدة, والمناسبة جدا لكل الوان البشرة من اول البشرة البيضا للون البشرة السمرا الداكنة.
11- اللون النحاسي الذهبي:
اللون النحاسي الذهبي من الالوان الدافية المناسبة للشتا, والموضة جدا للسنة الجديدة.
12- اللون الاشقر البلاتيني:
الاشقر البلاتيني من الوان الشعر الموجودة في قايمة الوان السنة الجديدة اللي لازم تجربيها السنة دي.
13- البلاك بيري:
اللون البلاك بيري من اكتر الالوان التريندي لشتا 2020.
14- لون True Auburn:
اللون ال Auburn هو لون تاني من الالوان الدافية اللي ممكن تعتمدي عليها قي فصل الشتا, واللون ده مناسب للبنات اللي عايزين يجربوا لون جديد بس عايزين لون مريح ليهم او ميكونش اوفر اوي.
15- لون Plum:
اللون البرقوقي او الارجواني الغامق كان تريندي في موسم الصيف, ومكمل لموسم الشتا والسنة الجديدة.
16- اللون الماهوجوني:
اللون الماهوجوني هو درجة لون مزيج من مجموعة الوان من الاسبريسو والبني الشوكولاتة والاحمر والارجواني الغامق.
17- لون Pastel Blue:
الالوان الباستيل هي مش بس الوان للربيع والصيف, لكن ممكن كمان نعتمد على اللون الباستيل الازرق الناعم لفصل الشتا, المناسب جدا لصاحبات البشرة البيضا.
18- ال Dirty Brunette:
اكيد احنا عارفين اللون ال Dirty blonde color والمناسب للبشرة الفاتحة, ولكن ال Dirty brunette مناسب للبشرة السمرا وبدل ما تضيفي هايلايت فاتح للون الاشقر, خلي لون الشعر الاساسي غامق مع اضافة هايلايت اشقر ذهبي فاتح.
19- اللون ال Bronde:
اللون ده مزيج من اللون الاشقر والبني مع بعض, وان كان اللون ده مش جديد, ولكن هو مستمر معانا لموسم الشتا في السنة الجديدة, وتقدري انتي تلعبي في تدرجات اللون زي ما انتي عايزة وتختاري الهايلايت بالطريقة اللي تفضليها, واللون ده مناسب لاي بشرة.
20- لون Smoked Marshmallow:
لو بتحبي اللون الاشقر البلاتيني لكن معندكيش الجرأة تعمليه, ممكن تجربي اللون ال Smoked marshmallow اللي بيعتمد على جذور باللون البني الغامق مع مزيج من اللون الاشقر الجليدي.
21- لون Purple Balayage:
احنا قولنا اللون الارجواني في الالوان اللي فاتت, لكن لو انتي مش عايزة اللون الارجواني يكون واضح اوي, ممكن تعتمدي على تقنية البلياج اللي هيكون عبارة عن هايلايت من اول نص الشعر بس باللون الارجواني.
22- لون Dirty Blonde:
احنا اتكلمنا على اللون ده فوق وقولنا مناسب للبشرة الفاتحة, ونصحنا لو بشرتك بيضا اعتمدي على الالوان الفاتحة, ولو بشرتك سمرا اعتمدي على الالوان الغامقة.
23- اللون ال Navy:
هل فكرتي في اللون الازرق لشعرك؟ ومش المقصود اللون الازرق الفاقع, ولا كمان اللون الازرق الباستيل اللي قولناه قبل كده, ولكن بدل ده جربي اللون الازرق الغامق, يعتبر اختيار مثالي للون شعر جريء في الشتا.
24- لون Ruby Red:
اللون الاحمر كمان من الالوان التريندي لشتا 2020.
25- لون Silver Blonde:
محتارة بين اللون الاشقر والفضي؟ ليه متعمليش الاتنين! امزجي بين اللون الاشقر الشاحب مع الفضي, هينتج عنه لون شبه اللون البلاتيني شوية مع تاتش ميتاليك بيلمع.
26- لون Cold Brew:
اللون ده درجة من درجات اللون البني او بشكل خاص لون القهوة.
27- اللون البرونزي:
اللون البرونزي الغني من الالوان المناسبة جدا لفصل الشتا, خصوصا لو انتي زهقتي من اللون البني الفاتح, تقدري تغيري وتجربي اللون البني البرونزي.
28- لون Black Sapphire:
اجمعي بين اللونين الاسود والازرق من خلال اللون الاسود الياقوتي.
29- لون Black Cherry:
بكلامنا عن اللون الاسود اللي معاه تاتش لون تاني خفيف, يعتبر لون الكرز الاسود من الوان الشعر البارزة جدا لشتا 2020, وبيكون مزيج من الاسود والاحمر.
30- لون اشقر ذهبي:
الاشقر الذهبي من الالوان التريندي للشتا, واللون ده يعتبر من الالوان اللي تقريبا مش بتبطل ومناسبة لكل الاوقات والمواسم.
تعليقات
إرسال تعليق